Athar alGhorab أثر الغُراب

by Kazz AlOmam

/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      $10 USD  or more

     

1.
2.
3.
03:15
4.
5.
6.
7.
8.

credits

released June 2, 2013

tags

license

all rights reserved

about

Kazz AlOmam Amman, Jordan

Kazz AlOmam: is an artistic, philosophical and simplistic project that sees more powerful words than riffles as a resisting tool.

كاز الأمم: مشروع فنّي وفلسفي بشكل مبسّط، يرى أن الكلمة أقوى من البارود كأداة مقاومة.

contact / help

Contact Kazz AlOmam

Streaming and
Download help

Track Name: 1. Al Bedayeh
مش عارف كيف بدّي أبدا
عنجد مش عارف كيف بدّي أبدا
هو أنا شوي متوتّر، هو أنا مش شايف إشي متغيّر
هو أنا متدايق عاللّي طِلِع واتظاهر وتِعِب وهو بِمشي
مشان بالأخر إللي يستلِم الكرسي واحد متل مرسي!
عنجد مش عارف كيف بدّي أبدا.. كاز إهدا!.. بس أنا جد مش فاهم
هو أنا بزرع خضار لناس بتحب الملاحم؟
هو أنا برفع شِعار لحمار بفكّرني عم بساوم؟
هو انا لازم اكون مسالم؟! أكيد لأ..عيب إني أطلُب سلام
وأنا عارف إنو بهاي اللّحظة في إنسان عم بنهان
سواء إن كان حُر، أو أسير بسجن.
خليك معي مِنسِجِم، ما بآمن بكمال الجسم
بآمن بكمال المخ إللي مش مسكّر، أنو أخطر!؟
يحطوا براس إبنك مسدس
ولا يضَلهُم يعطوه بالمدارس مناهج بتعلمه بس يكبر كيف بس يكون أخرس
أنو أحسن!؟ أطلب حقّي مع صُحبتي بالشارع؟
ولا مع جاري إللي ما بعرفه بالجامع؟! مين فيكوا سامع!!
طيب مين فيكوا بحلم إنو يكون الشخص الفلتة والبارع
واللي مافي منو إتنين.
ومين فيكوا بِعرف إنو الإبتسامة بتحتاج بس تحريك عضلتين
وعفكرة، من هالضو اللي بوجهي دوبي شايف مع إني العينتين
فاتح. بس واضح وطبيعي جدا إنو فيكوا اللي عم بسجّل وحاب يترفّش
ببطني، واللي عم بحكوا الشب هاد موهوب أبسطني
واللي مستعبطني واللي مستزقطني بس جد.. مش فارقة!
هي لقطة من اللقطات مدتها كم من الثواني
زي ما بفترة من الفترات فاعت ترشرش ودق ألماني
زهقت تقسيمات
سلطي، عقباوي، معاني، إربدي، عمّاني
زهقت تفصيلات
أردني، فلسطيني، شركسي، أرمني، شيشاني
زهقت مسميّات
يساري، يميني، شيوعي، ملحد، سلفي، علماني
من تراب، على تراب و إلى تراب
فالترابي الأصل وهاي أخر جملة بالقصيدة هاي بحكيها لساني.
Track Name: 2. Shaware'Yolojya ft. Ayman Mao
2- شوارعـ يولوجيا مع أيمن ماو

من أوّل ما بتوعى والكل بحكيلك أووعى
فا بنتكِبت وبتصَفّي بالغرزة المقطوعة
مكورس مع المجموعة عالأشيا الممنوعة
وبدل ما توخد وتعطي بتوخد وبتتعاطى
وما بتقدرش توقف لإنو الحياة مطّاطة
بتضلها تشد وترخي فما بتسترخي تيفلت برغي
فا مش من قليلة شفير التكسي بنسى إنو برغي
عمّان فيها كلشي، ستاربكس وقهوة القص
وشوارع ما فيها وشوارع فيها محلات رص
عم بختص بكتباتي بعلم الشوارعيولوجيا
لعَرفك كيف تعيش إن كان عندك من الشارع فوبيا
عم بحكي بيوتوبيا ما بشوفها حتى بحلمي
لإنو حسب علمي عدمي ماكلني زي ما كان حلمي
عم بكتب وبرمي مش لتنبسط علي
عم بكتب وبرمي لتعرف كيف عايشين بالحي
وعم بزيدك ضي بس بالأسلوب تاعي
كإني فيلم وثائقي أو عليا من دون أواعي
وللعلم مافي داعي تعرف شو بدور براسي
بس إستوعب جُملي وكون جَملي وأنفاسي
مش اللي بحاول إفتراسي لإنو دمّي جد صار قاسي
من القيم والأخلاق اللي عم بحكوا فيها ناسي
والمنافق اللي عم بتغطّى بالوجه الدبلوماسي
أنا إخترت الكتابة لإنو راسمالها دماغي
وبتعبّي وفت فراغي اللي مش موجود بالأصل
ولك أنا زي حبة الفجل وعجل السيارة
بيجي يوم بتحلل وبتطلع فوقي عمارة
إنشالله الجو بمطّر بلكي هالشعب بٍنضَف
هيك حكالي شب بالحارة واحنا عسيجارة عم بنصّص
مش قاعد عليك بفنّص ولا نفسي هالمقطع يخلّص
بس سدقني مش شعور حلو إنك تصحى عم بتهلوس
وحاسس مخّك مسوّس وعينيك مخَيطّين
أنا نفسي أخد اللاجئين وزي ما عمل كو****وس
نكتشف أرض جديدة ونعمل منها فلسطين
وللي عم بشوفها بعنب الخليل وبومل عكا
إزا فلسطين عندك فواكه فالموز الصومالي أزكى

-اللازمة-

بلبلة بلبلة بلبلة
أسلوب بالإيقاع جاب زلزلة
مستا ماو مستا كاز دي الغلغلة
لا نكل لا نمل دي مسلسلة

أيمن ماو

يا جنابو بكل بساطة لا أحتسي لا أتعاطى
بس معايا منشورات بس معايا محظورات
كلبش كلبش الكلبشات صادر صادر الافتات
إرفع إرفع البصمات قارن قارن مواصفات
صحيح بصيح بالهتافات ضد النظام والحكومات

-اللازمة-

مؤسسين المؤسسة، مدرسين جوّا مدرسة
جرعات تقيلة ومركّزة، أسلوب يجيك ينصب ليك عزا
ههم.. مستر كاز ياكلك قزقزة
صون كرامتك معززة
العصا لمن عصى، العصا لمن عصى
نقزف كلام زي الحصى
ندّيك دروس مخصصّة
كلمات كتيرة ومكدّسة

-اللازمة-
Track Name: 3. Cheta
أنا كل ما الغيوم تتراكم والمطر يبلش ينزل
الكلام لحاله بطلع بس إيدي بجِيَبي بتدبل
فالكتابة بالشتا مقاومة والموضوع هاد بخصني
وبعرف حالي أصلي فا مش محتاج لحد يفحصني
وبعرف اللي مَر من جنبي ولما صار بعيد قنصني
فركّز ياللي سامعني، الكاز مكرّز بس ما بنقّز
ومتجهز لأي حدث بنرفز و أخيرا بطلت أفرز
أو حتى أهتم بالصديق، لإني لما وقت بضيق
ومشيت بالطريق زي البطرق إكتشفت إني وحدي
فما تحاول تصاحبني ودير بالك من صوت رعدي
لإني ما عندي إشي ممنوع أو حتى إشي مرغوب
وكل يوم ببلش أنمو من بعد ساعات الغروب
ونا الخاسر والمغلوب بس ما بدوب وبضلني شادد
زي الكابتن ثابت عالهدف وعالعدو حاقد
والمهم مش متناقض ومع الجميع واضح
وزا مزحت معي وما إضحكت إعرف عم بفقد بالملامح
أنا في غراب سارح جواة قفصي الصدري
وكل ما ييجي يطلع بحكي لحالو لسة بدري
وسنتين تلات من عمري سدقوني مش كفاية
لأفرغ الجواتي واعطي ملّخص الرواية
وطول مافي جوايا حقد وكراهية لا توصف
هيضل دوايا موجود بالكتابة مس بالمستوصف
وانك تحاول تعرف الكاز كيف صار هيك
بدك سنتين تلات وبعتقدش رح أخليك

-اللازمة-

وجهي صاير ناشف زي حبة القطّين
واخريته يطلع فيو خيوط زي صبة الجبصين
بس طول مالدم بالشرايين عمالو عم بتوزع
رح أضل كل ما أصحى امسك قلمي واكتب مقطع

أنا مرة شافوني عم ببكي حكولي عيب عليك
إنتا رجل والرجال مش من شِيَمهم هيك
فا تركت المكان واطلعت بطّلت بدّي أتسمم
لإنو اللي بحكي فيهم بالرجولة بسواش حجّة بمخيّم
عم بعمل ضجّة وبتكلم كإني صوت من جهنّم
الشب عإسمه إتعمم من ورا كلام الناس
الشب إتنبش تتكلبش وانحط الفاس فالراس
الشب بعديها حاس وفكّر لفترة
يرتفع عن أخر الكاس ولا يمسك حاله ويطلع برّة
ومرّة على مرّة بلّش يتجنب يتصوّر
تلفونه عم بتسكّر، خطاياه عم تتكرر
وشاف لون الدم ساد فازداد حُبه للون الأخضر
شو الغلط لو نتخدّر أربعة وعشرين ساعة
ونموت بجرعة زايدة ما صفّينا زي أي صناعة
وعالأقل في كمّن ساعة بنشوفش فيها حدود
ولا بنسمع بمظاهرات ولا بنحس بهالوعود
أنا مش مع إني أحكيلك إنو كلامي زي البارود
لإني مآمن إنو الكلمة أقوى وفيها بتصد جنود
عم بعود للأسلوب اللي بلّشت فيه من أوّل ما بديت
لإني مش منطق أحكي بسياسة ولسة في ناس جنب الحيط
بس عم بتدوّر على سُترة أو على قوت بُكرة
لو معي ياقوت بالفطرة كان ما طلعت معي هالفقرة
مسحت كتير غَبرة عبين ما وصلت لمطلبي
وبأخر سطر بشكر الأرض إنها أوجدتني عربي

-اللازمة-
Track Name: 4. Athar AlGhorab ft. Hisham Bustani
سنين مضت فن بنعرض وللأسف من دون هدف
سنين مضت حريّة بتنطلب ولسة في جرائم شرف
سنين مضت نفس القرف فالشعب لونه إنخطف
أو عالأغلب عم بنازع زي غنمة بعيد الأضحى
بنفوا الفنان ولما يموت كم واحد على فنّه بصحى
وعفكرة مية البلدية ما فرقت عن مية الصحة
وليش تتعمل مشكلة إن كنت بتفكّر بالصُّلحة
عم بحاول إني أصحى وفهمك بإني مش كافر
بس شِبِت بعد عشرين عام زي سعدون جابر
وإزا فيروز مرّت بشوراع القدس الملانة دكاكين
أنا مرّين بجنب مقابر الناس إللي قضّوها لاجئين
وأنا الشيطان الرجيم المستقيم عالسراط
بقيم الليل فا بكتب سيل بِصُب بنهر الفرات
وبحترم العادات بس مش غلط لو تتعدّل
وينضاف عليها شغلات أقلها إنبطّل نخجل
لحتى نكون صاريحين وننسى لقطة المجاملة
إنحطت المعادلة وهاي محطّة المعاملة
ولو حياتي مقابلة سدقني ما بتوصلك يا شريكي
لإنها بتكون إنتاج هندي بعدد حِلق مسلسل مكسيكي
ونا بفتح غطات قلمي زي ما عنترة بفتح سيفه
وبستمتع بمقطعي زي مالبرجوازي بحيي صيفه
ونا مش حليفو لحدا وعالأغلب بتبع عقلي
ولو كانت النتيجة خبيصة زي البيض المقلي
وبالأخر أنا ولا إشي والعالم هاد ما بلبقلي

أنتَ مائي. قالتْ.
لستُ ماءً، أنا كُتلةٌ من الخراب.
أنتَ حديقتي، قالتْ، وأنا أزهاركَ البرِّيّة.
لستُ حديقةً، بل أنا البُستانيُّ الذي تشقّقَت يداهُ وسكنهُما الجراد.

سنين مضت كلّي غلط حكي الناس اللي عالطرف
سنين مضت شغل مرض هيك بالعادة بنوَصَف
سنين مضت مواقف نَكَد ومنها الكاز إحترف
كيف يتعامل مع الشارع المتواضع الراسو رافع
إللي على هموم الناس طالع البِطالع واللي حتى مش نافع
وما تسألني شو الدافع اللي خلاني أتمسك بعزلتي
بس اللي بقدر أحكيلك إياه إنو غلطتي هي كانت خُلطِتي
وفش وقت للوقت فصراحة صار لازم أكمّل خُطّتي
فا ضلِّك يا دنيا إحبطي واعرطي على سكّانك
أنا منّي وعلَي مش فارقة وبنهي العالم لو مكانك
وهاد هو اللي أجالك وضلّك إحكي عنّي ما بستحي
لإنو لو عندك إنتي دم ما بتسيبيناش وبفضائك بتسرحي
ونا صاروا ينادوني يا شيخ بس لإني صفّيت ملتحي
وهاي لحالها دلالة على إنو عقولنا عم تنمحي
ونا فكرتي بس تيجي تغوص بعرّيها بحكيلها إشلحي
ودندلي بس رجليكي وحاولي إنّك تفرحي
واشرحي بشكل أبسط مش شرط ببسط أو بنَكّد
وبأكِّد رح أتضل أجدد وفكّر واكتب وافرد
طول ما عم بتنفّس وبعرّد وبغرّد بكل فضا
لإني حاس بأهمية الكتابة أكتر من أي وقت مضى
وعمري ما بحس برضا وللي قضا على ربيع شهاب
وطمليه وتيسير السبول وغيرهم من شباب
وصلوله إنو الكاز رح يطلعله مع كل أثر غراب
وصلوله إنو الكاز رح يطلعله مع كل أثر غراب

أخضرُ أنتَ، تتّحِدُ مع الأرضِ. نخلةٌ تنيرُ السماء. قالتْ.
أخضرُ، باسِقٌ، نعمْ: أنا رسولُ القيامة. دعيني على صليبي حلّاجًا أرى، وأعرفُ، ولا يفقهون.
لن تولدَ الحياةُ بموتكَ. قالتْ.
الحياةُ لا تحتاجُني لكي تكون، لكنّها تفورُ بموتِ أولئك الرماديّين الذين يحفرون قبرها بحياتهم، ولستُ قاتلاً.
من، إذًا، سيُدافعُ عنها؟ قالتْ.
زلازلُ، فيضاناتٌ، براكين. هي تعرفُ كيف تدافعُ عن نفسِها. أمّا أنا، فاتركوني على صليبي. اتركوني..
Track Name: 5. Nelma7 Al Noor
بداية لو إحنا بشر وبنعرف كيف نعامل
كان ما بكون في مدير واحد راتبه عن مية عامل
إغتالوا مهدي عامل وزي ما بتعرف غيره معبّى
وبالأخر عشرة بالشارع والباقي ببيته مخبّى
عم بنحاول نضرب ضربة تستفز بلكي بتغيّر
بس ما صار اللي بحكي بحريّة ينحسب عم بكفّر
أنا كل يوم بضل أفكّر بقدّيش في عنا مشاكل
وشايل ناس عكتفي حتى صرت زي حيط مايل
أو بالأحرى يخي زي الختيارة الفلسطينية
كيف كانت تشيل عراسها سلّة فيها مونة القرية
ومش كلشي بيجي شرية والسلطة مش بسيطة
سيبك من توقيع العريضة المقاومة عالخريطة
حكومات عبيطة مواطن شريطة وبينهم اللعبة غويطة
وبحكوا السياسين عرّيطة عأساس الفنانين أسدق
عم مضلّش حد أصلي كل إللي بالساحة إمبندق
ومن دون ما تتشقق ما رح تتحقق أي مطالب
فعشان هيك بحاول أوازي بين إني أكون كاتب ومحارب
وإن كنت ما بتنزل مع اليساري بس لإنو أغلب وقته شارب
فيا صاحبي أخوك الدركي بغير العصا ما بخاطب
فا مش فارقة إن كنت ما بدّك تضل عبد مأمور
آل سعود خطفوا الناطور والناس عمكّة طابور
فا في خطأ بالمعادلة ومافي حد معذور
والعيساوي بحال إتوفّى بحضن الأرض رح يتدفّا
ورح يتذكروا التاريخ زي ما بذكر شعراء المنفى
Track Name: 6. Do7ok 3al Le7ah ft. Gharad She3ri
غرض شعري

الحلم اصم الوقع اعم
فرقى تعم تجديد التراث وقم
مصاب بحمى بقالات اتجار بالدين
اصبح الطواف حول الدولار
والافراط في الهزل واللين
نداوي الجنّة بأُمِ الكتاب
وبعد التداوي بنكث اليمين
ابدء في التمكين ولع في البنزين
الجند مدججين
السلح مكممين
الصلح مسجى في كمين
بيعت أسهمٌ بغية التبخيس لا التثمين
رزايا الشعوب وبئس الشعوبُ
توالى عليها الخنا والخطوب
بليل مديد مربد رهيب ٍ
علاما توالي بقلبٍ رهيف
بوجهٍ مقفى بذل الضعيفِ
كأن الليالي أضعن الهوى
وشرين بساطاً لهون الشريفِ
لا مجداً ينيف لا عرباً تخيف
كاز الأمم
إللي إتربّى على لول غير اللي عالفهود السود
فما تلومونيش بكره النغاش وسوادي دايما بسود
ولو داروين بعود وبشوف إحنا وين صرنا
كان بحكي إنو القرود أفهم من إنها تكون أصلنا
خربت بوصلتنا وطريقنا أشبه بمتاهة
ومن ورا التلفزيون صرنا نشوف الدراما تفاهة
برامج للفكاهة بس مغزاها القهقهة
بوقت ما في ناس من ورا الصواريخ عم بتصفّي مشوّها
فالموت مرات راحة والحرية ملهاش مساحة
فانزل يخي عالساحة بيدك مسّاحة وطورية
لحتى تمحي الفاسد وتشيله عن الكرة الأرضية
إنتا من شر البلية بتضحك على حالك
أنا من حر عينية ببكي عحالي وعاللي جابك
وما تسألني مالك وليش بدّي الإنسان ينقرض
كلمة الحق بتنطرد من قاموس الإصلاح
واحنا لسة بنعترض دخول الناموس عالمُزاح
Track Name: 7. Taja3eed ft. Hisham Bustani
تعال تأخدك لفّة جوات مدينة الأموات
محل مالسائح بالفندق وابن البلد مش عارف وين يبات
وعجزانة الكلمات على إنها توصفلك المشهد
بس أنا بشهد إنو بعد سنين هتلاقي الكل عم بشحد
وإزا مش عالإشارة من الديوان وهاي هي عمّان
وبتعرف العقل زينة بس عنا مضلّش إله مكان
طبق البيض بأربعة وجرة الغاز بعشرة
فا شو بعنيلك هالكلام غير إنو هان المواطن حشرة
أبي فوق الشجرة بس لإنو مش عارف ينزل
لمّا تحت معبّى ذيبان والأسد منهم بخجل
وأهل الشاكوش والمنجل يدوب صوتهم طالع
وبدوب من بعد مالشارع ينفض من قبل القامع
والنظام بكذّب بالإعلام وفوق كل هالكلام
بشوف اللي مش لاقي يلبس وبتهموا بخدش الحياء العام
ومع مرور كل عام وقدوم كل عيد
بس الأطفال عم تفرح والكبار بزدادُ تجاعيد

العجوزُ القديمةُ تجلسُ على البلاطِ القديم،
ملابسها مهترئةٌ ونَظَرُها ضعيف.
حولها حمامٌ كثيرٌ، وأمامها علبٌ معدنيّةٌ مملوءةٌ بحبّاتِ الذّرة.
يأتي أحد المارّةِ، يضعُ نقودًا في يدها، يأخذُ علبةً يرمي ما فيها في الهواءِ فيختفي وسطَ عاصفةٍ من الحَمامِ للحظاتٍ، ثمّ يمضي.
يأتي آخرُ، وآخرُ، والعجوزُ تنكمشُ وتصغُرُ مع امتدادِ الأيدي وتناقصِ العُلَب.
لن يُلاحظَ أحدٌ دمعةً تسلّلتْ من طرف عينها، ولن يأبه أحدٌ بانفجارها غاضبةً عندما صوّرتها سائحةٌ جميلة.
لهذا ظلّت العجوز تنكمشُ وتصغُر.
وآخرَ النهار، طارَت مع صديقاتها ليَنَمْنَ أسفل الجسر، تاركةً خلفها ملابسَ مهترئة، وعلباً معدنيّةً مملوءةً بحبّات الذرة، وبشراً كثرًا ظلّوا يمرّونَ من المكانِ، كما كانوا،
بلا انتباه.